(FOTOLAJM) Mes flamunjve shqiptarë valëviteshin dhe ato italianë, çfarë nuk u pa në takimin e Ramës me emigrantët në Milano?

Kryeministri Edi Rama  zhvilloi ditën e sotme takimin me shqiptarët e Italisë, në Milano, dy javë pas vizitës së tij me emigrantët në Greqi.

Edhe në këtë takim, stadiumi ishte i mbushur plot, ndërsa ajo që ra në sy ishin edhe flamujt italianë që valëviteshin mes flamujve shqiptarëve, ndryshe nga Athina.

Kujtojmë se kryeministri po zhvillon ture takimesh me diasporen shqiptare në kuadër të rienergjizimit të PS.

“Ju shqiptarët e Italisë jeni shembëlltyra më rrezatuese e pararojave shqiptare të ribashkimit me Europën, jeni krenaria shqiptare, e mishëruar në një sukses frymëzues të misionit tonë kombëtar të bashkimit përfundimtar me Europën demokratike.” – iu drejtua Kryeministri Rama të pranishmëve.